செவ்வாய், 2 ஜூன், 2015

லீப் இயருக்கு (Leap year) மட்டும் 366 நாட்கள் வருவதேன் ?

,
பூமி தன்னைத்தானே சுற்றிக்கொண்டு சூரியனை ஒரு முறை சுற்றிவர ஆகும் காலம் 365 நாட்களும் 6 மணி நேரங்களும் ஆகும் இதைத்தான் நாம் ஒரு வருடம் என்கிறோம் . ஆனால் ஒரு லீப் வருடத்திற்கு மட்டும் 366 நாட்கள் வரும் காரணம் என்னவென்று தெரியுமா ?

பூமி சூரியனை ஒரு முறை சுற்றி வர 365 நாட்களும் 6 மணி நேரங்களும் ஆகிறதல்லவா இதில் 6 மணி நேரத்தை ஒதுக்கிவிட்டு 365 நாட்களை ஒரு வருடம் என்கிறோம் இந்த விடுபட்ட 6 மணி நேரம் இரண்டாம் ஆண்டு 12 மணிநேரமாகிறது . மூன்றாம் ஆண்டு  இன்னும் ஆறு மணிநேரம் சேர்ந்து 18 மணி நேரமாகிறது நான்காம் ஆண்டு 24 மணிநேரமாகிறது ஆகையால் இந்த நான்காம் ஆண்டு 365 நாட்களுடன் ஒரு நாள் சேர்ந்து 366 நாட்களுடன் லீப் வருடமாகிறது . 

ஞாயிறு, 31 மே, 2015

கணித அறிவை வளர்க்கும் கலைக்களஞ்சிய முகவரிகள்

,
வணக்கம் நண்பர்களே , நமது குழந்தைச்செல்வங்களின் கணித அறிவினை வளர்க்கும் அற்புத வளைத்தளம் ஒன்று இருக்கின்றது . 
இதில் கின்டர்கார்டன் முதல் உயர்கல்வி வரை ஒவ்வொரு வயதினர்க்கு ஏற்றவாறு வலைத்தள முகவரிகள்  பிரிக்கப்பட்டுள்ளது . கணிதவிளையாட்டுகள் , கணித செயல்பாடுகள் , கணிதம் சார்ந்த மென்பொருட்கள் , கணிதம் சொல்லித்தரும் காணொளிகாட்சிகள் என அனைத்திற்கும் இணைப்பு கொடுக்கப்பட்டுள்ளது . இந்த முகவரியை புக்மார்க் செய்து உங்களின் செல்லக்குழந்தைகளின்  கணித அறிவினை மேம்படுத்துங்கள் . கீழ்கண்ட  சுட்டியினை கிளிக் செய்து பயன்பெறுங்கள்



வியாழன், 21 மே, 2015

குழந்தைகளின் கணித அறிவு வளர டேன்கிரம் Flash Game Free download

,
வணக்கம் நண்பர்களே நீண்ட இடைவேளைக்கு பின்பு பயனுள்ள பதிவு ஒன்றை உங்களிடம் பகிர்ந்து கொள்கிறேன் . டேன்கிராம் எனும் சீன கணித விளையாட்டில் ஏழு கணித உருவ துண்டுகளைப்பயன்படுத்தி பல்வேறு கணித உருவங்களை உருவாக்க முடியும் . இந்த விளையாட்டில் ஒரு சதுர வடிவ தாள் ஆனது இரு பெரிய செங்கோண முக்கோணம் , கொஞ்சம் சிறிய செங்கோண முக்கோணம் அதைவிட சிறிய இரு செங்கோண முக்கோணம் , ஒரு சதுரம் , ஒரு இனைகரம் என ஏழு துண்டுகளாக பிரிக்கப்பட்டு அந்த உருவங்களை மாற்றி மாற்றி பொருத்துவதின் மூலம் பல்வேறு உருவங்களை உருவாக்கி விளையாடுவதாகும் . 19 ஆம் நூற்றான்டிலேயே சற்றேறக்குறைய 6500 வடிவங்களை உருவாக்கி இருந்தனர் .  
உங்கள் குழந்தைக்கு ஒரு சதுரவடிவ தாளினை  படத்தில் காட்டியவாறு ஏழு துண்டாக்கி பிரித்து கொடுங்கள்  . பின்பு அவர்களின் கற்பனை வளத்திற்கேற்றவாறு பல்வேறு உருவங்களை உருவாக்கி விளையாடி மகிழ முடியும்  . உருவங்களின் மாதிரி வேண்டுமெனில்  கீழ்கண்ட  எனது முந்தைய பதிவில் இருந்து PDF வடிவிலான மென்புத்தகத்தை பதிவிறக்கம் செய்து கொள்ளுங்கள்
 டேன்கிராம் விளையாட்டினை கணினியிலேயே விளையாட முடியும் கீழ்கண்ட பிளாஷ் வடிவிலான அப்பிகேஷனை பதிவிறக்கம் செய்து அதை திறந்தால் ஏழு துண்டுகள் கிடைக்கும் அதை அருகில் இருக்கும் படத்தை போல்  மவுஸால் படத்துண்டுகளை இணைக்க வேண்டும்  . புதிய உருவம் வேண்டுமெனில் அருகில் உள்ள படத்தை கிளிக் செய்தால் புதிய உருவம் கிடைக்கும் . உங்களின் குட்டிச்செல்லங்களுக்கு பதிவிறக்கி கொடுத்து அவர்களின் கணித அறிவினை வளப்படுத்துங்கள் .
  

பின்குறிப்பு 


நண்பர்களே நான் 4shared தளத்தின் பதிவிறக்கச்சுட்டியை பகிர்ந்துள்ளேன் . பதிவிறக்கம் செய்யும்போது உங்களிடம் யூசர்நேம் , பாஸ்வேர்ட் கேட்டால் உங்களின் இமெயில் முகவரியை கொடுத்து புதிதாக உருவாக்கி கொள்ளுங்கள் இல்லையெனில் www.bugmenot.com எனும் தளத்திற்கு சென்று 4shared.com என டைப் செய்யுங்கள் அங்கு பல்வேறு யூசர்நேம் , பாஸ்வேர்ட் கிடைக்கும் அதில் ஏதாவது ஒன்றை பயன்படுத்தி பதிவிறக்கம் செய்து கொள்ளுங்கள் அது போல வேறு ஏதாவது கட்டண தளங்களின் யூசர்நேம் , பாஸ்வேர்ட் தேவைப்பட்டாலும் www.bugmenot.com தளத்தில் இருந்து பெற்றுக்கொள்ள முடியும் . 

சனி, 3 ஜனவரி, 2015

தமிழில் தட்டசு செய்ய புதிய மென்பொருள் – இனிய தமிழ்

,
நண்பர்களே தமிழில்   யுனிகோட், வானவில் , டாம், டாப் , திஸ்கி, செந்தமிழ், ஸ்ரீலிபி , சாப்ட்வியூ போன்ற கணக்கற்ற  எழுத்துரு வகைகள்  இருக்கின்றன  இவற்றை கையாள  அழகி , குறள் , கூகுள் தமிழ் உள்ளீடு , கீமேன் , NHM ரைட்டர்  போன்ற விசைப்பலகை  இயக்கிகள் இருக்கின்றன  இருந்தாலும் தமிழின் அனைத்து எழுத்துருக்களையும் ஆதரிக்கும் தமிழ் மென்பொருள் இல்லை இக்குறையை நீக்க புதியதாக ஒரு இலவச மென்பொருள்  வந்துள்ளது இதை உருவாக்கியவர் பாண்டிச்சேரியில் வசிக்கும் ஆசிரியர் திரு .முத்துக்கருப்பன் ஐயா அவர்கள் . இதில்  தமிழில் உள்ளீடு செய்வது மட்டுமில்லாமல் தமிழ்  எழுத்துரு மாற்றியும் உள்ளது . எந்த வகையில் தட்டச்சு செய்திருந்தாலும் நாம் விரும்பும்  எழுத்துரு வகைக்கு மாற்றிகொள்ளலாம்  . மேலும் எண்களை கொடுத்தால் அதற்குரிய மதிப்பினை தமிழில் பெற்றுக்கொள்ளலாம் . இந்திய நாணயக்குறியீடு போன்ற குறியீடுகளையும் பெற்றுக்கொள்ளலாம்  இது மட்டுமில்லாமல் ஆங்கிலத்தில் உள்ளது போல Auto correct  வசதியும் உள்ளது அவரின் வலைத்தளம் சென்று  இனிய தமிழ் மென்பொருளை பதிவிறக்கம் செய்து கொள்ளலாம் . போர்டபிள் மென்பொருளும் உள்ளது பயன்படுத்தி பாருங்கள் 


திங்கள், 28 ஜூலை, 2014

இடைவெளி

,
உனக்கும் 
எனக்குமான
இடைவெளியியை
நினைவுகளால்
நிரப்பிக்கொள்கிறது

காதல்.

சனி, 10 மே, 2014

பாஸ்பரஸ் - உயிரைக்குடிக்குமா ? உயிரின் ஆதாரம்

,
வணக்கம் நண்பர்களே மீண்டும் ஒரு அறிவியல் பதிவோடு உங்களை சந்திப்பதில் மிக்க மகிழ்ச்சி நம்முடைய தினசரி வாழ்விலும்  பல்வேறு உள்நாட்டு போர்களில் எதிரிகளை அழிக்கவும் பயன்படுத்தும் பாஸ்பரஸ் நம்முடைய உயிரின் அடிப்படை சாராம்சம் உங்களுக்கு தெரியுமா ? வாருங்கள் அறிந்து கொள்வோம் .

பாஸ்பரஸ் கண்டுபிடிக்கப்பட்ட கதை


பன்னெடுங்காலாமாகவே உலோகங்களை தங்கமாக்கும் இரசவாத முயற்சிகள் நடைபெற்று வந்து இருக்கின்றன குறிப்பாக பதினைந்தாம் நூற்றாண்டில் இம்முயற்சிகள் அதிகரித்தன . ஐரோப்பிய வியாபாரியான ஹென்னிங் பிராண்ட்டும் இம்மாதிரியான இரசவாத முயற்சிகளில் ஆர்வமுடன் ஈடுபட்டு வந்தார் 1969 ஆண்டில் சிறுநீரை சுத்தப்படுத்த ஒரு தாதுப்பொருளை போட்டு காய்ச்சிக்கொண்டு இருந்தார் .குடுவையின் அடியில் படிந்திருந்த பொருள் பசும்மஞ்சள் ஒளியில் மின்னிக்கொண்டு தீடீரென தீப்பிடித்து எரிந்தது . ஆச்சரியப்பட்டுப்போனார் ஹென்னிங் . ஹென்னிங் பாஸ்பரஸை கண்டுபிடித்த பின்னும் சற்றேறக்குறைய  ஒரு நூற்றாண்டுக்குபின் ஜேம்ஸ் ரெட்மேன் கால்சியம் பாஸ்பேட்டையும் மணலையும் கலந்து மின் அடுப்பில் எரித்து பாஸ்பரஸ் உருவாக்கும் முறையை கண்டறிந்தார் . 

உயிரின் ஆதாரம்

நமது உயிரின் ஆதாரமான புரோட்டோபிளாசத்தின் மையப்பொருள்  பாஸ்பரஸ்தான்  DNA மற்றும் RNA வில் உள்ளவை பாஸ்பேட் சர்கரைகள் ஆகும் . நமது உடலில் 85 % பாஸ்பரஸ் எலும்புகளிலும் மீதி இரத்தம் , நிணநீர், இதயம், சிறுநீரகம் மூளை, தசை என அனைத்து உறுபுகளிலும் காணப்படுகிறது . பாஸ்பரஸ் இல்லை எனில் சிந்திக்கும் திறன் இருக்காது என விஞ்ஞானிகள் கூறுகிறார்கள் . மேலும் செல்சுவர் பலமடையவும் உடல்வளர்ச்சிக்கும் பாஸ்பரஸ் மிகமுக்கியமானதாகும்

வகைகளும் பயன்களும்

நமது புவியின் மேலோட்டில் இயற்கையாக கிடைக்கும் தனிமம் இதில் பல வகைகள் காணப்பட்டாலும் வெண்பாஸ்பரஸ் மற்றும் சிவப்பு பாஸ்பரஸ் ஆகிய இரண்டு வகைகள் மட்டுமே பரவலாக பயன்படுத்தப்படுகிறது . வெண்பஸ்பரஸ் நச்சுத்தன்மை கொண்டது எளிதில் தீப்பற்றக்கூடியது , நீரில் கரையாது எனவே  வெண்பாஸ்பரஸ் நீருக்குள்தான் வைத்திருக்கப்படுகிறது . சிவப்பு பாஸ்பரஸ்  எளிதில் தீப்பற்றாது அதிக நச்சுத்தன்மையும் கிடையாது  . சிவப்பு பாஸ்பரஸ் தீக்குச்சி தயாரிப்பில் மிக அதிகமாக பயன்படுத்தப்படுகிறது மேலும் பட்டாசு தயாரிப்பிலும் பாஸ்பரஸ் பயன்படுத்தப்படுகிறது
கண்ணாடியில் பாஸ்பரஸ் கலக்கப்பட்டு சோடியம் விளக்குகள் தயாரிக்கப்படுகிறது , கடின நீரை மென்நீராக்க பாஸ்பரஸ் பயன்படுகிறது 100 ஆண்டுகளுக்கும் மேலாக உரங்களாக பயன்பட்டு வருகிறது  பூச்சிக்கொல்லி மருந்துகளிலும் பயன்படுகிறது அலோபதி மருந்துகளில் பாஸ்பரஸ் மிக முக்கிய பங்கு வகிக்கிறது . 

பாஸ்பாரஸ்சின் வேறுமுகம்

பல்வேறு ஆக்கச்செயல்களுக்கு பயன்பட்டாலும் பாஸ்பரஸ் ஒரு உயிர்க்கொல்லி ஆயுதாமாகும் அமெரிக்கா ஈராக்கின் மேல் பாஸ்பரஸ் குண்டுகளை போட்டது உங்களுக்கு நினைவு இருக்கிறதா  நண்பர்களே ? பாஸ்பரஸ் மனித உடலில் பட்டு எரியத்துவங்கிவிட்டால் சதை எரிந்து எலும்பு மட்டுமே பாக்கி என்ற நிலையில்தான் அனையும் பாஸ்பரஸ் தீயை அணைப்பது அவ்வளவு சுலபமல்ல
பல்வேறு உள்நாட்டு போர்களில் புகைமூட்டத்தை உருவாக்கவும் எதிரிகளை  அழிக்கவும் இராணுவ வீரர்களின் வேதியியல் ஆயுதமாக பயனப்டுகிறது என்றாலும் பல்லாயிரக்கனக்கான அப்பாவி பொதுமக்களையும் பஸ்பமாக்கியிருகிறது பாஸ்பரஸ்

படங்கள் உதவி : கூகுள்
 

நிலாக்கால நினைவுகள் Copyright © 2011 -- Template created by O Pregador -- Powered by Blogger Templates